Soya con vinagreta de tomate al aroma de tomillu

El so cuerpu ye oval y tresllúcidu. Tien de 17 a 20 cm. de llargor. La boca ye oblicua cola mandíbula superior que-y llega al nivel mediu inferior del güeyu. El güeyu de baxo ta daqué avanzáu. El pelleyu ye finu, con escames cayedices. La llínea del llau fai curva pronunciada sobre les ales pectorales. El pedúnculu caudal ye cuasi nulu.

L’ala dorsal entama delantre de los güeyos. Los cinco o seyes primeros radios sobresalen fuera de la membrana interradial. L’ala anal tien delantre una fuerte espina. El rau ye mui arredondiáu.

El color xeneral ye tirando a buxu o pardu, mecío en zones col coloráu del pelleyu. Tien una mancha nel ala ventral del llau ocular.

Platu fechu por Francisco Javier Marcos Rodríguez, restaurante “La Marea”, Xixón.

En primer llugar untamos con mantega una placa. Ponemos un llombu de soya cola carne p’abaxo salada y con una fueya de tomillu.

Enfornámoslo 8 minutos en fornu fuerte. Per otru llau pulgamos y despebidamos los tomates troceaos en cubinos. Iguamos la vinagreta y servímoslo.